كله عايز يتغرب ويسيب بلده ويتهرب
بدون هدف ولا اى ضمان يقول اسافر واجرب
ودة كله علشان الفيزا دلوة على مكتب فالجيزه
يسافر مصر خمس مرات يرجع يقول رحله لذيذه
يصرف كتير ع التاشيره تظهر عليه التكشيره
ويروح بلاد بره يسافر عشان يرضى الست مشيره
وبعد سنين يرجع ياجى فاضى ماحيلتوش ولا حاجى
يقول معلش تعبت هناك صرفت فلوسى على علاجى
بس معاه ريحه رشاشه لجل بيها يظهر ع الشاشه
وكم علبه حمرا مارلبورو طبعا دى مظاهر غشاشه
ومعاه شويه من الريالات عشان يصرفهم فالقعدات
علشان الدخان الاخضر مرحب ياحاج احمد سلامات
ويكلمك بلسان معووج يقول دجاجه ع الفروج
ويقولك كنت وكنت هناك وهو مطرود معموله خروج
ماكانش ساب بلادة وهج وجاب لنفسه بلاوى ونج
هو سافر علشان القرش ولا عشان يقولوله ياحاج
وفي ناس بترجع رايقه الحال حلوين قوي وعيشتهم عال
مش هما اللى بفصدهم دول مالهمش صالح بالموال
مادام بيعمل قرش كتير وماعندهوش ابدا تبذير
يسافر مع الف سلامه وبندعيله بكل ضمير
اما الناس اللى غربتها مافيهاش فايدة زى قلتها
احسن ليها ماتتغربش ماتسيبيش الناس اللى حبيتها
بلدك وناسك أولى لك هما إللي يستروا أحوالك
وأبدا ابدا ما يسيبوك إن قل أو زاد مالك
نصيحه لشبابنا الغالي
نصيحه لشبابنا الغالي خليك في بلدك طوالي
بين الحبايب والخلان هتعيش ولو جيبك خالي
ياسر رشاد
تحويل كودإخفاء محول الأكواد الإبتساماتإخفاء